Parece incríble que tras acontecer un afundimento dun barco, onde por riba houbo afogados, salten á palestra persoeiros, que parece que o único que buscan é afán de protagonismo. Olvídanse que familiares e amigos estan a pasalo mal, e sucédense en declaracións os uns contra os outros.
Dende a CIG (ou o sindicato do BNG, como ben indica a bandeira da foto), non tardaron en facer unha rolda de prensa, para denunciar que aos helicópteros de rescate non lles funcionaban as camaras térmicas, pero ollo, dende o 2005!!!! E por que non revolotearon antes?? Son momentos estes?? Si é verdade que eses aparatos teñen esa tecnoloxía inutilizable, verdadeiramente é algo lamentable, e totalmente denunciable. Estaría a Xunta ao corrente desta situación?? Demasiadas preguntas, que me parece que non están no seu lugar, cando transcurriron pouco máis de 48 horas dende o afundimento.
E entre outras cousas que podedes leer na mesma web da CIG, Xabier Aboi, o seu secretario nacional de CIG-Mar afirma, á 1:10 minutos, unha hora e oito minutos antes da versión oficial, salta a radio baliza, denunciando así unha suposta falsedade dende Salvamento Marítimo, en canto á hora da alarma. E agora ven o máis triste, as descalificacións. Dende o PSdeG, Ceferino Díaz calificou de ignorante e irresponsable, ó secretario da CIG, xa que a hora que dende Salvamento Marítimo facilitaron, estaba en hora local, mentres que a hora da radio baliza era en UTC, que actualmente é unha hora menos.
Pois o de sempre, que de políticos e de sindicalistas non se pode esperar nada bo. Menos lingua e máis traballar polos intereses dos seus representados.
Mirade este vídeo de anosaterraTV sobre as primeiras informacións da man dun mariñeiro que rescatou a dous dos supervivintes:
Quería puntualizar dúas cousas porque vexo que, non sei se por razóns ideolóxicas, esvaras un pouco:
1.- Que a CIG forme parte do mundo nacionalista galego é unha evidencia e que sexa o sindicato do BNG sempre se dixo pero a verdade é que entre os seus 70.000 afiliados (líder sindical en nº de afiliados no noso país, non en representación -2ª-) hai militantes de diferentes organizacións políticas. A pesar diso, a CIG estase destacando por atacar igual, ou máis, ás Consellarías do BNG na Xunta. Chapeau!
2.- As críticas a Salvamento veñen da CIG pero tamén dos patróns dos barcos que estaban na zona e foron ao rescate. Non é culpa da CIG que as radiobalizas non funcionen nin que afundise o barco. E ti como sabes que non o denunciaron antes? E logo non coñecías as críticas continuas sobre a escaseza de medios de salvamento dende o Prestige? Porque o Psoe puxo a sede dun barco de salvamento novo en Xixón? Porque os remolcadores foron privatizados? Porque os traballadores de Salvamento fan as gardas na casa perdendo así 20-30 minutos? Etc., etc.,…
As culpas, de habelas, hai que ver onde están. Hai que ser ecuánimes.
Escrito por Roi o 2 de febreiro de 2008, ás 10:39
Dis que “esvaro un pouco”, e resulta que no primeiro punto, confirmas o que eu afirmo, que a CIG é o sindicato do BNG, patinamos xuntos?. E dis que a CIG destaca por atacar igual ou máis ás consellerías do BNG. En fin, solo fodería, que se os políticos fan algo mal, pero como son das mesmas cores ca min, pois non imos dicir nada.
E no segundo, aclararche que eu en todo momento falei de unhas declaracións de sindicalistas e de políticos, non de armadores. Que terá que ver a CIG cos feitos de que afundira un barco. E a radiobaliza do Cordero funcionou, ou como pensas que o Plaia de Esteiro se achegou ó lugar? Ti estivestes algunha vez na escuridade do mar?? Asegúroche que si non lle houberan dado unhas coordenadas non houbesen atopado os superviventes. E a situación foi dada pola radiobaliza.
Eu non dixen que non denunciaran antes, se non que por que non fixeron unha rolda de prensa para facer públicas esas carencias. E ollo, que ó mellor si a fixeron, pero non me refería a iso.
En canto o de non coñecer as criticas continuas pola escaseza de medios de salvamento, pois que queres que che diga, e xa que falas do Prestige, mira esta nota de presa do Ministerio de Fomento. É do ano 2006. Como comprenderás non podo afirmar que isto se cumpra, pero se non é así, dende a CIG podían criticalo, non? Eu atopeino en menos de 10 segundos, so tiven que escribir no google “medios salvamento marítimo galicia”, e foi a primeira entrada.
Que os remolcadores están privatizados? Sinceramente, non o sei, nin me importa quen estea a cargo deles, sempre que se cumpran os servizos. Ou quen mellor para xestionar un helicóptero que unha empresa que se adique ós helicópteros.
E xa por último supoño que se os traballadores de Salvamento fan as gardas na casa, será porque así o negociaron os seus sindicalistas. Pero de todas formas asegúroche que os traballadores do Helimer Galicia, con base en Alvedro, ata fai pouco facían as gardas no hotel máis próximo ó aeroporto, xa que as instalacións que tiñan non cumprían os requisitos para facelas no mesmo aeroporto. Agora non sei se están na casa, no hotel, ou xa teñen unhas camas pa durmir polas noites en Alvedro.
Razóns ideolóxicas por suposto que teño, pero a min si que me gusta ser equitativo, e non criticar porque si, como fan os tres partidos maioritarios da nosa Galiza. Pero sobre todo o que me encanta e contrastar o que me contan, non tragar ó que me queiran adoutrinar.
Escrito por Oaletsac o 2 de febreiro de 2008, ás 23:36