Pois acabo de descubrir esta web, que naceu fai cinco días, adicada a toda a música feita na terra, en Galiza. Pero non so é unha web, é unha radio que emite as 24h do día sen interrupción. Pero non so é unha radio, é unha gramola onde podes elixir unha canción dunha bastante amplia lista.
Para escoitala non tes máis que picar en “Escoitar (ogg)” e abriráseche o reproductor que teñas por defecto no teu ordenador un arquivo .m3u o cal almacena a lista de reproducción. Como podes ver o formato das cancións está en .ogg, é dicir, que é libre, co cal non teñen que pagar licenzas. E como na propia web ven refrexado: “Todas as cancións incluídas no noso arquivo proveñen da propia WWW e foron publicadas no seu momento polos propios artistas, os seus representantes ou as súas discográficas. Todos os temas foron colocados por eles para a súa descarga libre e gratuíta”, co cal un chasco para os señores da SGAE.
A elección das cancións é moi sinxela, so tes que ir á pestana “Peticións”, e elixir entre os máis de 300 artistas algunha das súas cancións. Hai cabida para todos os estilos musicais, dende o Heavy máis duro ata a música tradicional, e para todos os idiomas, dende o galego ó inglés. Pero iso si, como xa dixen antes, todo feito na casa, “made in Galicia”.
Pois xa tes que escoitar mentres navegas… http://radio.blogaliza.org/
Camiño esquecido que xa non vai a ningures. Un camiño calzado de pedra, inzado de silvas ensarilladas e de ortigas arnaes, que se perde na boca moura dunha congostra.
A Fundación Galega para a Sociedade do Coñecemento (FSC), constituída fai pouco máis de seis meses, e que está formada por empresas galegas, as tres universidades, entidades financeiras galegas e a Xunta de Galicia, vai estudar a creación e o emprego dun satélite de comunicacións para tratar de reducir a “Fenda Dixital” que temos na nosa terra, porque ás compañías de telecomunicacións non lles é rendible inverter. Pero tamén se empregaría para mellorar as comunicacións marítimas e terrestres.
Unha vez máis a realidade acaba de superar á ficción. A historia deste señor polaco é semellante á contada na película Good bye, Lenin!
En Galicia xa se está preto de alcanzar os 3.000 MW de potencia en enerxía eólica. Se consideramos Galicia por si mesma, estaríamos a falar da sexta potencia eólica mundial -e a cuarta de Europa- despois de Alemaña, Estados Unidos, o resto de España, Dinamarca e a India. Dentro de España, Galicia representa o 25% da potencia eólica instalada. Pero os bos datos non quedan aí, pois a eficiencia dos parques na nosa terra e moi superior ó do resto do estado, chegando así a producir algo máis do 29% do total de España.
