Rianxo

Reportaxe: O ‘Caso Lierni’. Historia dunha extorsión ‘revolucionaria’.

http://www.elpais.com/articulo/espana/ETA/le/propone/pagar/cuota/anual/6000/euros/elpepuesp/20081214elpepinac_1/Tes

Tras lelo, podemos empezar a duvidar de todo, case case até de ti mesm@!!! Tremenda a última parte. Como se pode querer tanto a unha persoa, e o mesmo tempo poder ser unha asasina?? A “sinrazón”.

Parece ser que a Aldea Maldita comeza a ter fama. En xullo de 2007 dei entrada a CAMIÑO ESQUECIDO, relato de Castelao, fai cousa de un mes e medio saiu na prensa e foi durante case unha semana o artigo máis lido de La Voz de Galicia, a raiz do cal o director e produtores do filme O Apóstolo, decidiron centrar a súa historia na Aldea Maldita de Abuín. E agora tocoulle o turno o programa Cuarto Milenio de Iker Jimenez.

En fin, que dentro de pouco quizais temos unha empresa querendo montar un parque temático. Conformemonos con que non se empece a destrozar esa fermosa zona do patrimonio rianxeiro coma xa pasou con outras.

Fai xa uns cantos meses que a bitácora quedou en branco. I é que o barco entrou en dique seco. Pero xa lle queda pouco para voltar á navegar polo concello e pola comarca e pola actualidade en xeral, por esa mar de mentiras, medias verdades e algunha que outra realidade.

O varamento foi repentino por necesidade. A cousa facía auga. Pero tras unha boa reparación, man de minio e nova pintura, xa está para outra etapa de navegación.

Co que avisados quedades navegantes, todo o que se queira enrolar, adiante. Hai lugar para tod@s.

Dáme a impresión que ó concello estáselle a ir todo das mans. A verdade é que non me resulta estraño dada a natureza deste tan selecto grupo de colaboradores de Pedro. Si é que xa se vía vir. Non me estraña que moitos dos socialistas de Rianxo rexeitaran, xa no 2002, a esta “lista” de Piñeiro. Onde queda demostrado que se rodeou de xente que non lle ía contrariar ningunha das súas decisións, secundando cada unha das palabras e feitos do mandatario. Coma beatos ante a “palabra do Señor”. E agora comézanse a ver os froitos desta xestión municipal. Podémoslles agradecer a todos eles, que Rianxo estea a saír máis que nunca na prensa, xa non so comarcal, se non que autonómica ou incluso ás veces estatal. Quizais sexa unha campaña turística???? (iso, iso, que se fale, aínda que sexa ben).

Seguir lendo…

Curiosidade. A estas horas (14:15 do 10 de marzo de 2008) e aínda non está o 100% escrutado, sabedes por que?? Porque en Valdoviño aínda non remataron de contar.

Segunda volta, onde non nos ensinaron nada que non supéramos. Máis do mesmo.

Acércanse as consecuencias da política urbanística desenvolvida en Rianxo durante moitos anos. E empezan a saír á luz ilegalidades cometidas pola administración local en favor de uns poucos, e non da maioría.

Non so o caso de Ramos, se non que fai tan so unhas semanas coñecíase a orde de derribo de polo menos unha planta dun edificio situado en Rianxiño, será que de aquela o concello xa lle comezaba a ver as orellas ó lobo??. Ou a paralización dunha hospedaxe en Palleiro, que leva catro anos lista pero sen clientes pois carece de licenza municipal por estar construída nun chan rústico (os pobres aínda seguen coa web activa). Os seus donos confesan que o permiso de apertura era “de palabra”. Tamén se lle abriu un expediente sancionador ó concello pola destrución dun lavadoiro en Taragoña. E así poderiamos continuar, con irregularidades consentidas por parte do concello, e que tras denuncias, sempre de particulares, agora a xustiza actúa con ordes de derribo. Provocando desta maneira crispación entre os veciños.

Pero poderiamos afirmar que isto tan so é a punta do iceberg, e que casos coma estes están por vir. Se non, tempo. A xustiza é lenta, e os problemas veñen cando xa os pisos están habitados e hai que derrubalos, e claro, loxicamente os veciños solidarízanse coa xente. Coma é o caso de Ramos, a empresa vai vento en popa, e dando traballo a 16 persoas, pero agora o Tribunal Superior de Xustiza de Galicia ordena o peche de actividade e o derribo da nave, provocada pola denuncia dun particular no ano 2000 cando comezaron as obras da empresa.

Seguir lendo…

O debate completo de onte (25-02-2008):

En vista de que a cousa vai para longo, e como parece que cada vez se anda a falar máis da tan ansiada carencia de Rianxo, o parque empresarial, anuncio a creación dunha nova categoría: Póligono de Té.

E non podía ser doutra maneira que coas últimas novas anunciadas polo noso alcalde Pedro: “As obras do polígono comezarán no verán”. Asi o refrexan Diario de Arousa, La Voz de Galicia e canalriasbaixas.com.

Xa non sei se tomalo a cachondeo ou en serio. O de sempre. Afirmacións coma esas xa se fixeron no pasado como quedou indicado na primeira entrada desta categoria: Xa vai sendo hora. Xa choveu dende entón, pero a realidade é outra, i é que aínda non están adquiridos todos os terreos. Nada máis e nada menos que a metade deses 340.000 metros cadrados. 170.000 metros cadrados que pretenden mercar de aquí a seis meses…

Canta xente pode ser dona dun terreo nesa zona? A cifra non a sei, pero seguro que unhas cantas decenas polo menos. E se temos en conta que esa xente non accedeu á venda con anterioridade, dubido que agora llo poñan máis doado. Co que xa habería que meterse nun proceso de expropiación…

Seguir lendo…

Vaia rexeneración da praia, levando por diante outro cachiño de Rianxo. Non se trataba dunha simple pedra no medio do camiño. Tiña o seu propio nome e apelidos “O Muelle de Tanxil”. Paga a pena ter unha praia un pouco máis ancha e longa? Para que? Para que se converta nunha de tantas praias sen nada propio? Nin tan sequera agora a area vai a ser a area de Tanxil, esta quedou soterrada por area de canteira, ou noutras palabras rochas trituradas, dunha cor agrisada. Cal será o seguinte paso? Se cadra cortar os plátanos e tirar o muro de Baltar, e así facer un aparcadoiro ben grande para todos os turistas que van vir no mes de agosto.

E en canto á web atiga, se tratades de acceder á dirección de sempre: www.rianxo.com, atoparédesvos con un Voltamos axiña! E así leva uns meses. Pero podedes vela (alomenos polo de agora), se lle engadides calquer palabra despois do .com, por exemplo www.rianxo.com/tanxil.

Parece incríble que tras acontecer un afundimento dun barco, onde por riba houbo afogados, salten á palestra persoeiros, que parece que o único que buscan é afán de protagonismo. Olvídanse que familiares e amigos estan a pasalo mal, e sucédense en declaracións os uns contra os outros.

Dende a CIG (ou o sindicato do BNG, como ben indica a bandeira da foto), non tardaron en facer unha rolda de prensa, para denunciar que aos helicópteros de rescate non lles funcionaban as camaras térmicas, pero ollo, dende o 2005!!!! E por que non revolotearon antes?? Son momentos estes?? Si é verdade que eses aparatos teñen esa tecnoloxía inutilizable, verdadeiramente é algo lamentable, e totalmente denunciable. Estaría a Xunta ao corrente desta situación?? Demasiadas preguntas, que me parece que non están no seu lugar, cando transcurriron pouco máis de 48 horas dende o afundimento.

Seguir lendo…

Non vexo mal a caza, sempre e cando o final da presa sexa a mesa. Dende sempre o home, ó igual que os animais trata de sobrevivir, e para elo un dos métodos é a caza. A caza para comer paréceme ben, pero cazar polo simple feito de matar, paréceme arrepiante. E máis triste me parece que a isto lle chamen deporte.

Todo esto daría para discutir moito, e sinceramente non me apetece. So quero deixar constanza que dende a Federación Galega de Caza, están a anunciar os campionatos provinciais galegos de caza do raposo para este sábado día 12, e o campionato galego para o 27 de xaneiro. Pero o curioso é que non dan información ningunha de onde se van celebrar. Tan so redireccionan a un .pdf onde so din que “Estamos traballando neste programa”. Non será máis ben que o que pretenden é ocultar esta mal chamada “competición”.

Seguir lendo…

Máis ilusións ópticas en: www.conflusions.com

Se Castelao levantara a cabeza, íalles dicir catro cousas tanto a uns coma ós outros. I é que parece que lles falta tempo para afilialo cadacal ao seu partido.

Hoxe o BNG, con Anxo Quintana á cabeza, voltou homenaxear a este rianxeiro dous días antes do cabodano da súa morte. Onde aprobeitou para mostrar a súa pouca orixinalidade, coma outras veces: “Vivimos como galegos e galegas. Chegou a hora de votar tamén como galegos!”. A que vos recorda?? Mirade o enlace.

E claro dende o PSdG, Con todo isto que andan ás voltas de facer da casa de Castelao Ben de Interese Cultural, que a ver si se enteran dunha vez, a da Rúa de Abaixo non é a súa casa natal, que para alí foi vivir cando tiña catorce anos. En fin, que se puxeron celosos do acto do Bloque. Traquilos que a vos tócavos o día 30 de xaneiro, cabodano do seu nacemento.

Bueno por si queredes ver ambalas notas de prensa feitas públicas hoxe, aquí vos van:

A do BNG.

A do PSdG.

Por certo, estoume a acordar do PP. Cando soltaran aquelo de que: “Se Castelao vivise sería do PP”.

En fin, eu non sei que ten, que a Castelao todos lle queren ben.

Outro ano máis e outro ano menos, quedamos como estabamos. Todos os anos por estas datas, sempre me lembro dunha tradición perdida do noso concello. E todos os anos tamén penso, a ver se este ano o volven a facer, pero nada, outro ano menos. Estiven a buscar fotos para ensinarvos a todos o que era. Recordarlle ós maiores e non tan maiores, mostrarlle ós máis novos, o que se facía todos os primeiros de decembro, na Praza Castealo. Pero non atopei ningunha. Que pena.

Todo comezaba con rumores, xa o elixiron…, xa o están a cortar…, miña nai, este ano non o van poder traer do grande que é…. E pola mañán cedo, sacaban a pedra e deixaban o burato aberto, os rianxeir@s que pasaban pola Praza xa non marchaban ata que chegara, e a xente comezaba a sorrir, agardando a entrada triunfal polo Cruce do Campo, a ver como sería ese ano… E entón na distancia, no fondo de Rinlo, escomezaba a albiscarse. Paseniño, como xigante que era, pouco a pouco se achegaba, ata que todo o mundo saía do Colón (claro como non, un rianxeiro onde vai estar, pois nun bar), para recibilo.

Veña!! Todos a axudar. E alá ían todos os homes, peito inflado, remangando as mangas da camisa. Primeiro un recoñecemento, Ummh!! Este ano é grande, non é? Pois si que o é, é enorme!!. E poderemos con el?? E como non imos poder. Bueno, bueno, pois non é pa tanto, cada ano vai a menos… (sempre hai algún disconforme). E escomezaban a atarlle cordas por todos lados, coma se dun chourizo se tratase. Axustabase a base no buraco, e uns cuantos situábanse para que entrara ben nel. As mulleres e os nenos, na balconada do Campo de Arriba, ó caron dos máis vellos, que coma sempre estaban a mirar e a criticar, Mira pra aí, serán burriños, así vailles caer pa babor… Esta xuventude, nos nosos tempos….

Seguir lendo…

De todos é coñecida a non afiliacíon de Pedro Piñeiro ao PSOE, pola cal moitos do seu partido criticaron, e que non entendían que despois de tantos anos como cabeza de lista do partido en Rianxo, seguise coa súa condición de independente.

Nunha entrevista realizada polo mes de xullo, o alcalde respostaba así a unha pregunta con relación a esta independencia:

-A fin de contas, malia trece anos como alcalde socialista, segue a ser vostede independente.

-Iso non quere dicir nada. Eu fixen a promesa de que mentres fora alcalde sería independente, pero ao día seguinte de marchar serei afiliado do PSOE.

Pois dita promesa acaba de romperse. Unha persoa de moita confianza do rexidor, confirmoume que Pedro abandoou a súa condición de independente. Pedro xa está afiliado. Pero o que colleu a todos de súpeto, e polo que todos os mandamáis socialistas andan revoltos…
Seguir lendo…

Bonita imaxe, que mostra a estructura do xacemento do Castelo da Lúa, ó carón da desembodura do río Té. É digna de que a xente do Google Earth a inclúa, non si???

Foi publicada pola Consellería de Cultura e Deportes, xunto a outras imaxes da escavación que se está a levar a cabo para a posta en valor deste cachiño de terra no Pazo. E que se espera que para primeiros de ano xa estean rematados estes traballos de acondicionamento.

E como xa comentei noutra entrada alá por xuño, Patrimonio arqueolóxico de Rianxo, a ver se dende o concello fan algo máis polo noso patrimonio arqueolóxico.

Máis información das escavacións do Castelo da Lúa no “Xornal“.

Que que é eso de autoctonía?? Pois a porcentaxe do número de habitantes nacidos no seu lugar de residencia. Noutras palabras, que a maioría que vivimos en Rianxo, nacemos en Rianxo. E así, é por segundo ano consecutivo lideramos este ranking dos concellos galegos.

Esto ven recollido no Atlas Socioeconómico de Galicia do 2007, levado a cabo por Caixanova. Este dato non deixa de ser algo anecdótico. Xa que tamén se recollen datos que nos deberían preocupar. Como que ningún dos 315 municipios galegos alcanza a renta media estatal. Para pensalo, non?

Pero aínda hai outro dato que me fai cabilar un pouco máis. Dentro dos dez concellos máis pobres de Galiza son por este orden: A Laracha, Boiro, Arteixo, Porto do Son, Rianxo, Carballo, Ribeira, Pobra do Caramiñal, Tomiño e Vilanova de Arousa. Que atopades aquí de curioso?? Pois si, todos os concellos do Barbanza!!!!! Isto si o lee algunha persoa foranea, pois podería creelo, pero sinceramente, creedes vos que nestes catro concellos existe esta “pobreza”??? Eu penso que non, ou polo menos eso non é o que refrexa os coches ou as casas que se poden ver pola comarca. Para min que todavía siguen a existir moitos cartos negros (ou sin alcohol ou en “B”, como lle queirades chamar), os cales, por suposto, salen de toda estatística posible.

Demasiado listo no Barbanza dame a min.

Máis información na Voz e no País.

Deterse tan so un par de minutos, a analizar os datos que este reloxo nos mostra, e de seguro que se vos porán os pelos de punta.

Cantas persoas morren cada minuto, cantas hectáreas son deforestadas cada dez segundos, ou como vai aumentando o quecemento global da Terra. Amósanos en tempo real multitude de datos estatísticos, que nos fan pensar, ou non?

Se queredes máis información non deixedes de visitar a páxina dos seus autores: www.poodwaddle.com

Todo parecen facilidades para o empresario chino Cunhui Nan, para montar unha instalación fotovoltaica de 20 MW, en menos de un ano. Ocuparía unha extensión de 40 hectareas, máis ou menos 40 campos de fútbol, e sería instalado nalgún lugar da nosa comunidade.

Todo isto paréceme unha boa idea, se non fose, porque máis ben dame, que se trata de algún inversor espabilado con gañas de aprobeitamento. Sei de xente que quiso crear en Galiza, algunha leira solar destas, e todo foron inpedimentos, tendo que marchar para outras comunidades autónomas onde tiveron más facilidades. E ollo, non estou falando de fai máis que de ano e medio, por se alguén quere ver cores políticos. E agora resulta que ven un chino no seu jet privado, invitando a almorzar no Hostal dos Reis Católicos, a catro personaxes políticos e empresariais, e vai lograr todo en menos de nove meses. Que lle pregunten a calquer instalador, canto lle duraron tan so os trámites burocráticos.

I é que esta rapidez non se debe máis que a partir de setembro do 2008 vai entrar en vigor un novo modelo retributivo para estas instalacións fotovoltaicas, na que a principal reforma, será en que as primas recibidas polos prductores recurtaranse cada ano. Mentres que as instalacións xa creadas, manteranse no plan actual, é dicir, que sacará máis quiñón.

E resulta que marchan de Boiro porque levan catro anos con trámites. E queren vir para Rianxo para o polígono de Té… Pois non sei eu que rematarán antes.

Facer un centro comercial de 30.000 metros cadrados, case nada, e de que os van encher??? Persoalmente pareceme moi boa opción para o pobo, e sobre todo para a creación de emprego, que aínda que non sexan os 600 directos e outro tanto indirectos, a lista do parao seguro que baixaría. Os dirixentes de LcY din que o centro xiraría entorno a un hipermercado, e que o demais serían tendas. Sexamos sentatos, ascaso non sobran supermercados tanto en Rianxo coma no resto da comarca para a población que hai? En fin, eles farían os seus estudios, pero dame que os fixeron no mes de agosto.

A verdade e este tipo de centros, están a funcionar ben en pobos, como poden ser o caso de Lalín ou Cee, pero son un pouco máis acordes coa poboación que abarcan 12.700 e 10.500 metros cadrados respectivamente.

En fin, que todo o que sexa creación de postos de traballo benvido sexa.

Hoxe por fin foi procramado campión do Tour 2006. Non foi sen tempo. Noraboa Oscar.

Este podería ser o resumo do estudio presentado polo Premio Nobel de Química Paul J. Crutzen. Pero hai que matizar esa afirmación. I é que non sería o emprego destes bioconbustibles os que contribuirían ó quecemento da Terra, se non o emprego de fertilizantes para a producción da colza (empregada en Europa para a producción do biodiesel) e do millo (para a obtención de bioetanol, o substituto da gasolina). É dicir, que como habería que plantar un maior número de hectareas con estes cultivos, o emprego de fertilizantes para unha maior producción, tamén aumentaría. A gran maioría de fertilizantes están compostos a base de nitróxeno, e dos cales se desprende á atmósfera óxido nitróxeno, que ten até case 300 veces máis poder de quecemento global que o dióxido de carbono.

Co que habería que pensar en buscar outro tipo de fertilización para estes productos agrícolas, ou outras materias primas para a obtención de biocombustibles. Anos hai dende que en Galicia apareceu un home explicando que a partir do toxo se podía obter un aceite moi parecido ao gasoleo. Daquela sonaba a tolería, que iso aínda que fora posible, aparecerían ás grandes multinacionais para aplastar ao paisaniño. Está claro que aínda que hai moito toxo nos montes galegos, non sería suficiente como para abastecer todo o parque automobilístico nacional, cicais mesmo da nosa Galicia, pero polo menos axudaría.

Seguir lendo…

Na seguinte imaxe hai algo encriptado. Se alguén o consigue leer por favor que copie o seu contido e que o escriba nos “Comentarios”.

Si señor, estivolle ben empregado, quiso ir de “guai” e non chegou a “chachi”. J.C.C non se matou de miragre. Alégrome que non lle pasara nada, pero espero que lle fagan pagar o seu intento de atallo ou de eludir un control policial, e se ía bébedo, seguro que co susto pasoulle de súpeto.

Podedes ver a nova aquí.

A SGAE (Sociedade Xeral de Autores e Editores), está a piques de rematar a súa sede en Compostela. Deixando a un lado a beleza do edificio, e por suposto a funcionalidade, quería comentar que se lles permitiu apoderarse de espazo público na rúa Salvadas en Vista Alegre. Como podedes ver na foto esa rampla e esa escaleira están na beirarrúa, e non pertencían aos terreos que o Consorcio de Santiago lle cedeu a esta organización de carácter privado.

O Concello de Santiago tragou, e agora están ampliando a beirarrúa para recuperar o seu ancho co que se perden uns 15 aparcadoiros. A escusa, “un problema derivado dun defecto no proxecto arquitectónico non detectado ó principio” -afirmou Bugallo, o alcalde-. E claro non lle van mandar tirar todo e que volvan a empezar, se total, co que nos están sangrando xa con canons. E estou totalmente dacordo, con Conde Roa (líder da oposición, PP), cando afirma: “hai entidades que parece que teñen bula sobre as legalidades urbanísticas“.

E que di a responsable de Rehabilitación e Cidade Histórica, a nacionalista Socorro García. Pois que no proxecto presentado ante o concello, a entrada do inmoble debería estar ó nivel da beirarrúa, cousa que é obvia que non se cumpre, pero…, que a ela lle veu “herdado” da anterior responsable, a socialista Mercedes Rosón (coidado os santiagueses que agora leva Urbanismo e Vivenda). Que maneira de botar balóns fora, por que os políticos case nunca asumen as súas responsabilidades??

Esta é unha das dúas medidas que vai levar a cabo o Goberno para a emancipación dos xóvenes en España, os que máis tarde marchan da casa de toda Europa.

210 euros mensuais de forma directa para todos os xóvenes inquilinos menores de 30 anos durante catro anos, sempre que os ingresos anuais non superen os 22.000 euros brutos. Isto cúmpreno oito de cada dez. Ademais ofreceráselle un préstamo, aínda non se saben as condicións, de 600€ para o pago da fianza e un aval de seis meses.

A segunda medida é de carácter fiscal e afectará a todas as persoas que vivan de aluguer, os que poderán deducir un 10,05%, sen límite de idade pero si de ingresos netos, 24.000€ anuais. Fai oito anos unha dedución similar foi suprimida polo goberno de Aznar, seguro que algúns nin se acordan.

E paralelamente a isto anúnciase unha dedución fiscal do 100% dos ingresos derivados do aluguer a menores de 35 anos, para os propietarios que decidan ceder a súa vivenda.

Seguir lendo…

Chegaron a acordo no concello de Boiro, nada máis é nada menos que oito soldos políticos que todos os anos van ter que saír dos petos dos veciños. Tranquilamente serán uns 40 millóns das antigas pesetas ao ano.

Aínda que xa se vía vir, que eran rifirrafes de patio de colexio, a situación non deixa de sorprender, rozando incluso o absurdo. A verdade é que tiña un bo concepto de Deira, pero estes acontecementos fanme ver que son todos iguas, i este é un tópico que nunca me gustou, pero vai ser que ó final é verdade. Fai uns meses dicía, que “prefería voltar á ensinanza, antes que negociar con nenos“. E xestionou o seu regreso á docencia, ao igual que Xoán León. E agora resulta que “traga” todo o que Ares lle pedía por aquel entón, e claro marcha atrás aos seus regresos a ensinanza. É incrible que se lles permitan estas cousas. Parece que os políticos poden facer o que lles peta.

Ogallá que sala adiante a proposta de IU, onde esixe ao Goberno que redacte unha lei que regule as retribucións dos cargos públicos locais. E que deixen de poñerse os soldos a si mesmos, cos cartos dos veciños. Así veriamos a verdadeira vontade de traballar polo pobo, non polos cartos do pobo.

Xa sabía eu que a cousa ía ir rápido… Está gravado dende a parte dereita da praza, onde está o circuliño na imaxe.

Incrible a xente que todos os anos enchemos a praza. Pero para os incrédulos que aínda non lles vale co vídeo, fixen uns cálculos:

So podo dicir que a Festa chegou o seu fin, e agora toca esperar outro ano. En canto teña un pouco máis de saúde tempo, intentarei buscar algún video, sobre todo de onte. Impresionante!!!

Hoxe toca: Día Infantil. Xogos inchábles no Paseo da Ribeira a partir das 11:30 e as 16:00. A festa da espuma será ás 13:30 na Praza Castelao. Ás 02:00 (xa do sábado 15), queimaremos as bengalas e cantaremos a Rianxeira, e despois da gran taca final de fogos, falará o Xixí, ó que lle volveremos pedir: “Po’ano 15 días”. Despois continuará a festa até ben entrada a mañá coas tres orquestras que este ano teñen a honra de tocar no “Último Día da Guadalupe”. Ahhh, recordade que a Comisión de Festas, ten preparada unha sorpresa final.

Recordade que se queredes ver o programa do día, pinchade a imaxe de arriba ou visitade: www.guadaluperianxo.org

Ide ensallando con esta versión de “Astarot”:

Hoxe toca: Día das Tradicións Mariñeiras. O IV Feirón Mariñeiro “Vila do Mar” comezará ás 11:30 por todo o casco antigo do concello.

Recordade que se queredes ver o programa do día, pinchade a imaxe do lado ou visitade: www.guadaluperianxo.org

Hoxe toca: Día dos Nosos Maiores. Ademais da comilona, so para os maiores, ás 20:00 haberá que ir ver ó Mago Martín á Praciña, e as 21:30 no poli o partido de fútbol sala entre o Mexillón de Ouro e Automoción La Junquera.

Recordade que se queredes ver o programa do día, pinchade a imaxe do lado ou visitade: www.guadaluperianxo.org

Hoxe toca: Día de Padrón. Hoxe toca destacar o I Certame de Música Tradicional na Praza da Igrexa a partir das 19:00. Concurso de música tradicional. Podes ver as bases do concurso en www.guadaluperianxo.org

Recordade que se queredes ver o programa do día, pinchade a imaxe do lado ou visitade: www.guadaluperianxo.org

Hoxe toca: Día das Juadalupeñas, cos xogos ás 12:00, e a comilona no Campo de Arriba (comilona si, pero que cada un leve o seu).

Recordade que se queredes ver o programa do día, pinchade a imaxe do lado ou visitade: www.guadaluperianxo.org

Hoxe toca: A procesión marítica ás 13:00, en ofrenda á Virxe de Guadalupe ou Moreniña. Ás 00:00 os fogos artificiais.

Recordade que se queredes ver o programa do día, pinchade a imaxe do lado ou visitade: www.guadaluperianxo.org

Hoxe toca: a maiores do que podedes ver na imaxe, campionato de xadrez para equipos ás 16:00 no salón de actos do Cuartel Vello e ás 17:00 comezarán os partidos de voleibol no poli. A marcha cicloturista terá a súa xuntanza ás 16:00 na Praza Castelao, premendo aquí poderás ver unha imaxe có percorrido de 9,2 km deseñado pola Peña Castrobarbudo. O RianxoRock comezará ás 00:00 no Paseo da Ribeira cos grupos Zënzar e os rianxeiros The Middle Brains.

Hoxe a TVG emitirá ás 15:45 no programa Galicia Documental: “A GUADALUPE RIANXEIRA. A VIRXE NEGRA MÁIS POPULAR DE GALICIA“. Tratará sobre a canción da Rianxeira e da Festa ao longo da historia tanto nas américas como aquí en Rianxo, de onde haberá imaxes grabadas o ano pasado. Se queres podes ver a galega por internet en www.crtvg.es, e premendo en “tvg directo”.

Recordade que se queredes ver o programa do día, pinchade a imaxe de arriba ou visitade: www.guadaluperianxo.org

Escoita unha canción dos Zënzar: